創作背後:人物、現實、後記(2中一)
(之後呢幾期,各位可以當故仔睇)
第一集已經諗定俊仔最後娶婷婷,亦一早諗好薇薇係小予同第個男人所生嘅,但當時我未決定同邊個。
故仔寫咗一年幾,直至前年年底到舊年年頭,至決定講小予俾周台瑞佔有,之後生薇薇。
之所以會諗啲咁嘅情節,係基於呢幾年來一路覺得現實條件唔容許我一直擁有小予落去,我最終失去佢,所以我想自虐。
我寫
女朋友個女第13中集,講佢俾阿軍佔有,已經有咁樣嘅心態,只係當時我同小予仲未經歷咁多現實磨難。
周台瑞係真有其人,小予2020年10月中入去佢公司做嘢,係真事;佢想媾小予亦都係真嘅。
故仔講小予返大陸之後俾周台瑞佔有咗,同居咗一年仲有埋薇薇,係虛構嘅。
故仔係2020年尾開始寫嘅,嗰段時期我同小予都好唔捨得對方,明知現實唔容許得仍然吃力咁維繫住。嗰段時期痛苦但甜蜜、美好中帶焦慮不安。於是2020年12尾寫到第三集,我就加插俊仔爸爸呢條線,去交代我寫完
女朋友個女個故仔之後,我同現實中嘅小予發生嘅嘢。
2020年12月到2021年3月呢段時間,小予爭取同我結婚,佢得唔到結果,4月頭復活節,佢應承同追咗佢大半年嘅工程公司老闆陳阿B傾一齊。
故仔講小予同陳阿B傾條件當日,我同小S攪上,呢件事半真實半虛構,稍後會交代吓。
佢哋傾妥條件後,陳阿B即刻全面監管小予,同埋火速裝修好間房俾小予去住。
4月尾,小予搬過去。我抑鬱咗一段時間,於是停寫故仔一排。
佢去咗阿B屋企幾日就出嚟同我偷食。我心情逐漸好番,年中開始寫番個故仔。主要係更新我同小予喺嗰半年嘅情況,同埋中間穿插住俊仔同珊姨、Priscilla、Rebecca呢邊嘅故仔。
小予喺陳阿B屋企住嗰4個月,每星期有兩、三日搵借口出嚟同我一齊。呢段時期,我識咗現實中嘅小詩,後面亦會交代呢部份。
小予同阿B攪原本協議年底結婚,但小予一去咗肥佬屋企冇幾多日,就同人嗌交。嗰幾個月裏面,陳阿B終於清楚小予根本唔鍾意佢,佢哋嘅婚事於是告吹。
2021年8月尾返大陸。
佢走之前,話只係返去探親,冇講俾肥佬知打算唔返香港。肥佬話經過呢幾個月,我已經好清楚妳唔鍾意我,我唯一可以做到嘅係保留番妳間房,假如妳再返嚟,可以俾地方妳瞓覺、加多雙碗筷,直至妳搵到男朋友照顧。
小予上機嗰朝陳阿B一早車小予去到機場就走,我去送佢,同佢一齊成朝。佢話依然好恨佢花咗幾年感情時間同我一齊但我最終冇娶佢。
小予走後並冇故仔所講俾台瑞佔有咗然後跟咗佢一年。
佢返咗去兩個月期間,因為生活壓力同埋結婚嘅事同我嗌過幾次交,9月尾、10月頭,我哋講到分手。
但佢最終唔捨得我,10月中返嚟,直至今年4月呢段時期,同我渡過一段甜蜜嘅日子。呢段時間,我寫嘅故仔圍繞俊仔爸爸同小S、晴晴、小詩,亦都加插咗盈盈呢個角色,稍後我會交代現實中我同呢啲人物嘅關係。
小予前年10月中一返到香港,就叫我去界限街球場,佢以前成日嚟跑步嘅地方等佢。
佢一見到我,就好激動咁抱住我,我哋喺球場抱住好掛念對方咁樣脷交。
佢話,我哋冇見面就喺訊裏嗌交,一見番,佢就好唔捨得我。
呢個階段,小予回復自由身。我哋見得好密,食飯、我陪佢睇醫生、佢陪我睇醫生、去做按摩(故仔講過一件事,我同小予去做按摩,小予除咗衫俾阿姐揸波,小予話好尷尬,阿姐話,我哋咪仲尷尬…我哋都好想有妳咁嘅身材…呢件係真事)、去拜神…當然仲有去開房,呢個階段我同小予做愛仲密過我哋早期。
一次,我留意到小予身體有灼傷嘅痕跡。佢透露咗喺陳阿B屋企嗰幾個月嘅一件黑暗經歷。
佢話,本來,呢件事我想瞞你一世唔俾你知。
就係故仔裏面講到陳阿B係性無能,佢做唔到愛,於是有時候夜晚喺屋企飲咗酒,半夜就用鎖匙開小予房門用電棒電小予。小予痛到嗌,陳阿B就笑到好開心。所以喺陳阿B屋企期間,小予根本唔敢瞓,唔知道幾時瞓瞓吓俾人失驚無神電醒。
因此小予對香港留有好深嘅陰影,10月返嚟香港住喺小S喺太子嘅屋企,有時半夜諗起喺肥佬度嗰段黑暗經歷,就緊張到失眠。佢叫我同佢去廟禮吓佛、拜吓神,希望得到心靈上嘅平安。
我有時同小予一班閨密,包括小S、Sa姐、Mandy,去行山、拜神、食嘢。
佢哋話,我哋成班女神陪你出嚟玩,你幾有面。
小予私下問過佢哋覺唔覺得我靚仔。
小S話我唔係典型靚仔,不過有氣質、有男人味。Sa姐話覺得我靚仔,佢似乎對我幾有好感嘅,每次發起去玩都叫小予嗌埋我。
小予其中一個閨密,Mandy,係大學生,但走咗去做保險。佢要養細佬同阿媽,自己一個喺旺角住好平嘅劏房好多年。夜晚去夜總會兼職,佢同小予講喺夜總會只係想識啲客幫佢買保險,佢唔會做嗰啲嘢。後來俾小予知道咗Mandy同夜總會一啲客性交易,小予就鬧佢。啲客出手好闊,出街一晚俾一皮嘢,每個月陪三幾個呢啲客已經唔使做,但佢依然選擇住劏房儲起啲錢,係個好有打算嘅女仔。
嗰年10月尾11月頭,我轉新工之前有幾日得閒,同小予、Mandy,去旺角無肉食食自助餐。
Mandy話嗰度啲嘢好食。
我哋食到飽飽就去車公廟拜神。
Mandy係個有想法嘅進取女仔。佢好鍾意小予,周時搵小予傾偈。搭車去車公廟拜神途中,佢一路講佢嘅理想同生意大計,想拉埋小予同我合作。
嗰日佢着咗條裙,本來唔算短嘅,但拜神嘅時候依然成條底褲俾我睇到。我好努力唔喺神明面前𥄫佢,亦忍唔住睇咗幾眼。
係紅色嘅。
我不禁諗起,佢係個舞小姐…
Mandy喺車工廟求咗簽,嗰日我本來想順便過隔嚟拜四面佛嘅,小予同Mandy拜完車公經過隔嚟有個幾出名嘅解簽佬,Mandy就坐底等。等佢解完簽之後,四面佛已經關門,我哋就搭地鐵走。
喺地鐵站,小予吼Mandy有一刻冇纏住佢,就細細聲同我講,一陣我哋去做愛。
我一聽到,當堂亢奮,但表面維持平靜,同小予搭到太子站就賣甩Mandy。
(未完)
[
本帖最後由 dcat20 於 2023-3-20 13:32 編輯 ]